Meri pyari Kiran
24 June 2025. Ye wo din hai jo shayad meri zindagi mein kabhi aaya hi nahi hota toh achha tha. Poppo app par jab maine tumhe pehli baar dekha, main wahi freeze ho gaya tha. Sach toh ye hai ki galti tumhari hi thi—shuruat tumne ki thi mujhe follow karke, maine toh bas follow-back kiya tha. Par us waqt mujhe pata nahi tha ki main us ladki se itna pyar karne lagunga jo meri sabse badi galti ban jayegi.
Dhire-dhire hamari dosti hui. Tum logo ko mic par leti thi, sab baten karte the, par main bas chup-chaap tumhe dekhta rehta tha. Phir tumne khud ek baar pucha tha ki main mic join kyu nahi karta. Us din jab pehli baar mic par tumse baat hui, toh laga hi nahi ki hum kisi app par hain, aisa ehsaas hua jaise tum mere saamne baithi ho aur hum video call par baten kar rahe hain. Par us din mera dil tab toota jab tum apne doston mein busy ho gayi aur tumhe ye dhyaan bhi nahi raha ki main mic par tumhara wait kar raha hoon.
Beech mein jab main kuch din nahi aaya, toh tumne mujhe unfollow kar diya. Par maine tumhe follow rakha tha. Jab kuch din baad main phir se tumhare broad par gaya, toh tumne mujhe pehchana nahi, par meri ID ka naam hamesha ki tarah ‘?’ (Question Mark) hi tha, toh us special naam ki wajah se tumhe kuch-kuch yaad aaya. Maine tumhe apni pehchan batayi aur phir roz aane laga, bas tumhe dekhta rehta.
Hamaari bonding thodi gehri hui toh ek din maine drink kiya hua tha aur nashe mein tumse dil ki baat puch li—“Kya tum mujhse shadi karogi, Kiran?” (Maine tumhe Kiran isliye kaha kyunki maine tumhe kisi se apna real naam yahi batate suna tha, mere liye tum tab se Kiran hi ho). Mujhe darr tha ki tum block kar dogi, par tumne bahut normally react kiya. Phir maine tumse Insta ID maangi, kasam bhi khayi ki bas dekhunga, pareshan nahi karunga, par tumne mana kar diya. Tabhi mujhe samajh aa gaya tha ki tum shayad kisi aur ke saath relationship mein ho.
Jab maine dobara shadi ki baat ki, toh tumne doori ka bahana banaya ki “Main Kullu mein hoon aur tum Varanasi mein.” Kiran, ye baat mere gale nahi utri. Log videshon tak mein shadi karte hain, aur hum toh ek hi desh mein hain. Tab main confirm ho gaya ki tum bas bahane bana rahi ho kyunki tumhare dil mein koi aur hai.
Pichle 2-3 din se main khud ko rok raha tha, tumhare broad par nahi ja raha tha kyunki tumse pyar ho gaya hai aur tumhe dekh kar door rehna ab bardasht nahi hota. Par aaj na chahte hue bhi khinch aaya aur phir wahi baat puchi. Main janta hoon tum shayad phir mana kar dogi, par ek hope hai dil mein.
Kiran, main tumhare liye apni saari khushiyan kurban kar sakta hoon kyunki tum bahut sweet ho. Bas itni guzaarish hai ki mujhe jhoothe bahane mat do. Jo valid reason hai wo saaf-saaf bata do. Agar tum kisi aur ki ho toh bol do, mujhe bura lagega par ek baar mein clear ho jayega. Ye roz-roz thoda-thoda hurt hone se toh achha hai ki kahani ek baar mein khatam ho jaye.
I am badly missing you Kiran and I love you. ❤️❤️
